رئيس الجماعة وجماعة الشﻻهبية

ديرها قد راسو
ويجي لجماعة رافع راسو
قالو ناس زمان.
ماعرفنا شكون الضالم من المضلوم
هذا حال السياسة مع مالين الشياشة
شوهو صورة خديم الناس
وقالو شفر لفلوس والسيما والثبن
وقالو بنا وعلى
وغذا مشى وخلى
قالو ناس دبا و زمان.

قالو حزبو وهو خطار
والدولة حكمة احلفت
الغلطة لعودات
وهاوجهي هالنتخابات جات
ويﻻ ربحو انا نحشم.

وجماعة الشﻻهبية كنغرفوهوم وكيعرفونا
راه كل واحد بﻻكتو على ضهرو
غير لبارح كانو ربنا خلقتنا
ودبا ملكو لكطكاط ولفيلة يا خالقنا
تذل من تشاء بالسياسة والشياشة
وترفع المظلومين والعساسة
والمعارضة عرفناهوم كيديرو السياسة.

والله معرفنا الضالم من المضلوم
خلها موﻻها
رئيس المجلس البلدي
جمال الفﻻلي
حتى لفقي راه بشكارتو
اه قالها لي فاش كان مزال فميكتو
ودبا دخل لعش النحل
وذاق من لعسل لحستو
الله يعاونو حنا غير عساسة
ما حسادة ما لحاسة
نبغي بﻻدنا دزيد لقدام.

والله ينصر سيدنا
راكوم شتيو
زلزل وغضب وقلم لضفار
لصغير ولكبير
وحتى لعدو والصديق
الحصيل القضية حامضة
وراها عند الوكيل دلمليك خامجة
إو طلقونا لفراجة
الظالم الله يغبرلو الشقف
والمظلوم حنا معاه إﻻ عف
وماشي عفا الله عما سلف
ليدار الدنب يستاهل لعقوبة.

2020/03/01
جريح صفرو : مركاك عبد القادر.

: الكاتب